कोल्हापूर महानगरपालिकेची मतदान जागृती अभियानातील दमदार कामगिरी

लोकसभा सार्वत्रीक निवडणूक २०२४ साठी कोल्हापूर महानगरपालिकेने  स्वीप अंतर्गत यशस्वीरीत्या मतदार जागृती अभियान राबविले. मतदार जागृती अभियान राबविताना अतिशय नाविन्यपूर्ण प्रयोग केले. त्यापैकी एक म्हणजे भित्तिपत्रकांद्वारे मतदार जागृती. कोल्हापूर मनपाच्या बस सेवेतील बसमधून  मतदानाविषयी मतदारांमध्ये जागृती करणारी भित्तीपत्रके चिकटविण्यात आली. २ हजारांपेक्षा अधिक भित्तीपत्रके कोल्हापूर मनपाच्या बसमधून चिकटवण्यात आली. "१०० टक्के मतदान, हीच लोकशाहीची शान", "मतदान माझा हक्क, मी मागे राहणार नाही", "मतदान करा, लोकशाही बळकट करा" असा संदेश भित्ती पत्रकांमधून देण्यात आला. 

कोल्हापूर मनपाने आकाशवाणी कोल्हापूरवर पथनाट्य प्रसारित केले. कोल्हापूर मनपाच्या मनपा राजर्षी शाहू विद्यामंदिर शाळा क्र. ११  विद्यार्थ्यांचे "मतदार राजा जागा हो, लोकशाहीचा धागा हो " हे पथनाट्य आकाशवाणी कोल्हापूर या रेडिओ केंद्रावर शुक्रवार दिनांक ३ मे २०२४ रोजी सकाळी८.१५  ते ८.३० या वेळेत प्रसारित करण्यात आले. 

लोकसभा सार्वत्रिक निवडणूक २०२४ साठी' अधिकाधिक कोल्हापुरातील मतदारांनी मतदानाचा हक्क बजावावा, यासाठी  कोल्हापूर महानगरपालिकेने  युद्धपातळीवर काम केले.  शेवटच्या टप्प्यातील मतदान जागृती अभियानासाठी कोल्हापूर महानगर पालिकेच्या कर्मचाऱ्यांनी महापालिकेच्या अखत्यारीत येणाऱ्या सर्व प्रभागांमध्ये  गृहभेटी द्वारे घर टू घर मतदान जनजागृती अभियान राबविले. या अभियानात  आशा सेविकांचा सहभाग मोठ्या प्रमाणावर होता. 

लोकसभा सार्वत्रिक निवडणूक २०२४ साठी' अधिकाधिक मतदारांनी मतदानाचा हक्क बजावावा, यासाठी  स्थानिक स्वराज्य संस्था युद्धपातळीव काम करीत आहेत. "सिस्टमॅटिक व्होटर्स एज्युकेशन ऍण्ड इलेक्‍ट्रोरल पार्टीसिपेशन" (स्वीप)  या उपक्रमातंर्गत स्थानिक स्वराज्यसंस्थांच्या शाळांनी मतदार जागृती अभियान  राबविण्यास सुरुवात केले आहे. या अभियानास विद्यार्थी आणि शिक्षकांचा चांगला सहभाग लाभत आहे. 

लोकसभा सार्वत्रिक निवडणूक २०२४ साठी कोल्हापूर महानगरपालिका सज्ज झाली आहे. कोल्हापूर महानगरपालिका कार्यक्षेत्रातील प्राथमिक, माध्यमिक शाळांतील विद्यार्थीनींनी रांगोळी रेखाटून मतदार जागृती  अभियान आपला सहभाग नोंदवला. रांगोळीच्या माध्यमातून 'व्होट इंडिया', 'जो हैं सच्चा और इमानदार, वही हैं देश का हकदार' असे संदेश दिले.  विद्यार्थीनींनी आपल्या घराच्या परिसरात मतदान जागृती करणारी घोषवाक्य लिहून लावली आहेत. 'जागरूक मतदार लोकशाहीचा आधार', 'मतदान हा अधिकार नाही, तर कर्तव्य सुद्धा आहे' ही घोषवाक्य लक्ष वेधून घेत आहेत.   विद्यार्थ्यांनी पालकांना पात्र लिहून मतदानाचा हक्क बजावणे किती महत्त्वाचे आहे ते पटवून दिले आहे.  विद्यार्थ्यांच्या मार्फत मतदान जनजागृती बाबत शाळा परिसरात प्रभात फेरी काढण्यात आली. "सोडा सर्व काम. चला करू मतदान", "मतदार राजा जागा हो, लोकशाहीचा धागा हो", "जन मन का यहा नारा है, मतदान अधिकार हमारा है", "मतदान हा अधिकार नाही, तर कर्तव्य सुद्धा आहे" अशा घोषणा लिहिलेले फलक हाती घेत, नारे देत मतदार जागृती अभियान विद्यार्थ्यांनी प्रभात फेरीद्वारे शिक्षकांच्या साथीने राबविले. शिक्षकांद्वारे पथनाट्यांतून  मतदान जनजागृती करण्यात आली. 

अशाप्रकरे कोल्हापूर महानगरपालिकेने मतदान जागृती अभियानात दमदार कामगिरी करीत लोकशाहीचा उत्सवात जल्लोषात साजरा केला.

Facebook:  https://www.facebook.com/MAHAUDD

Twitter: https://twitter.com/MAHA_UDD

Instagram: https://www.instagram.com/maha_udd/

Blog: https://mahaudd.blogspot.com/

YouTube: https://www.youtube.com/channel/UCe9-Tq8QTPQ4h8IyXp2wbvw

LinkedIn: https://tinyurl.com/2bpdv9sv

Podcasts: https://tinyurl.com/5yrth66x