मस्काॅटच्या माध्यमातून नाशिक महानगरपालिकेद्वारे मतदानाची जनजागृती करण्यात आली.. नाशिक शहरात होणाऱ्या विविध सार्वजनिक कार्यक्रमांच्या ठिकाणी व परिसरात मस्काॅटच्याद्वारे जनजागृती करण्यात आली. यावेळी उपस्थित नागरीक मस्काॅटबरोबर छायाचित्र काढून आनंद घेतला.
शहरात मतदानाची जनजागृती करणाऱ्या सेल्फी पॉईंटसची निर्मिती केली आहे. त्या सेल्फी पॉईंटस वर विद्यार्थी, पालक, शिक्षक छायाचित्र काढण्यासाठी गर्दी करीत आहेत. सेल्फी पॉईंटवर फोटो घेऊन आनंद घेतला.
नाशिक महानगरपालिका व क्रेडाई संस्था यांच्या संयुक्त विद्यमाने हुतात्मा अनंत कान्हेरे मैदान, गोल्फ क्लब येथे चित्रकला स्पर्धेचे आयोजन करण्यात आले होते. या चित्रकला स्पर्धेत २३५ स्पर्धकांनी सहभाग नोंदविला. "उत्सव निवडणुकीचा अभिमान देशाचा", "मी निवडणार माझा खासदार", "माझे मत माझी जबाबदारी", "वोट कर नाशिककर"या विषयांवर सहभागी स्पर्धकांनी उत्स्फूर्त चित्रे रेखाटली.
नाशिक महानगरपालिकेने बचत गटांच्या माध्यमातून मतदार जागृती अभियान राबविण्यासाठी महाकवी कालिदास कला मंदिरात एक कार्यक्रम आयोजीत केला होता. या कार्यक्रमात "महिला बचत गटांमध्ये जनसंपर्काची मोठी ताकद आहे. या बचत गटांच्या माध्यमातून सर्व स्तरावर मतदान जनजागृती करून मतदानाची टक्केवारी वाढावी यावर भर द्यावा", असे आवाहन बचतगटांच्या प्रमुखांना आणि सदस्यांना नाशिक मनपाचे अतिरिक्त आयुक्त श्री. प्रदीप चौधरी केले. मतदानासाठी भौतिक सुविधा मतदान केंद्रावर उपलब्ध करून देण्यात आली असून त्याबाबतची माहिती देखील बचत गटातील महिलांनी सर्वश्रुत करून मतदानाच्या टक्केवारीत वाढ करण्याच्या दृष्टीने कामकाज होईल असा विश्वास श्री. प्रदीप चौधरी यांनी व्यक्त केला. या कार्यक्रमात पिंपळगाव बहुला येथील महिला बचत गटाने पथनाट्य सादर करून मतदान करण्याच्या करण्याचे आवाहन केले. मतदान करण्याविषयी जनजागृती पर विविध संदेश फलक दर्शवून उपस्थितांचे लक्ष वेधून घेतले.
कार्यक्रमाच्या प्रास्ताविकात मतदानाबद्दल औत्सुक्य कथन करून मतदार यादीत मतदारांनी त्यांचे नाव कसे शोधावे याविषयी माहिती देण्यात आली.
बचत गटांच्या सदस्यांना आणि उपस्थितांना मतदान प्रतिज्ञा शपथ देण्यात आली. मतदानाबद्दल निमंत्रण पत्रिका तयार करणाऱ्यांचा तसेच मतदार जनजागृती अभियानाशी निगडित रांगोळी रेखाटणाऱ्या कलाकारांचा मान्यवरांच्या हस्ते करण्यात आला. या कार्यक्रमात एन. यु. एल. एम. विभागाच्या अधिकाऱ्यांची उपस्थिती होती.
नाशिक महानगरपालिका, जिल्हाधिकारी निवडणूक कार्यालय, पोलीस आयुक्त कार्यालय, नाशिक रायडर्स कम्युनिटी, नाशिक एक्सपल्स,किंग ऑफ रोड्स,
रेडिओ सिटी, माय एफ एम यांच्या संयुक्त विद्यमाने स्वीप अंतर्गत मतदार जनजागृती व सहभाग बाईक रॅलीचे आयोजन करण्यात आले.मतदार जनजागृती रॅलीत सहभागी झालेले मराठी कलावंत किरण भालेराव यांनी या रॅलीच्या माध्यमातून नाशिककरांचे लक्ष वेधून घेतले.
नाशिक उपनगर मनपा शाळा परिसर,नवीन व जुनी सिंधी चाळ, साईबाबा मार्केट,उपनगर भाजी मंडई, इच्छामणी परिसर व उपनगर नाका येथे ध्वनीक्षेपकाद्वारे मतदारांना मतदान करण्याचे आवाहन करून मतदान जनजागृती करण्यात आली. विभागातील हॅपी होम कॉलनी, रॉयल कॉलनी, गुलशन कॉलनी, सात्विक नगर व परिसर तसेच बजरंगवाडी या परिसरात मतदान जनजागृती करून स्वीप उपक्रम राबविण्यात आला. विभागातील प्रभाग क्रमांक १५ व २३ येथे घंटागाडी द्वारे ध्वनिफिती द्वारे मतदारांमध्ये जनजागृती करण्यात आली. विभागातील मातोश्री नगर,शांती पार्क, खोडदे नगर ,आगर टाकळी, खोडदे नगर, उपनगर जॉगिंग ट्रॅक, गांधीनगर भाजी बाजार ,महारुद्र जॉगिंग ट्रॅक या परिसरातील नागरिकांना प्रत्यक्ष भेटून शंभर टक्के मतदान करण्याचे आवाहन करण्यात आले.
शिखरेवाडी मैदान येथे जेष्ठ नागरिकांबरोबर मतदान करण्याबाबत प्रतिज्ञा घेण्यात आली आहे. चेहडी गाव व परिसरात मतदार जनजागृती रॅली काढून नागरिकांना मतदान करण्याचे आवाहन करण्यात आले. मुक्तिधाम मैदान मनपा शाळा क्र १२५ जॉगिंग ट्रॅक येथे जेष्ठ नागरिक मतदान जागृती मेळावा घेतला. अंदाजे १५० नागरिक उपस्थित होते. या सर्व उपस्थितांना मतदार प्रतिज्ञा देण्यात आली. नाशिकरोड विभागातील चेहडी पंपिंग स्टेशन येथील दत्त मंदिर येथे महिलांना मतदान जनजागृती बाबत मेळावा घेतला.
नाशिक महानगरपालिकेने मतदानाची जनजागृती करीत लोकशाहीचा उत्सव अतिशय जल्लोषात साजरा केला.
Facebook: https://www.facebook.com/MAHAUDD
Twitter: https://twitter.com/MAHA_UDD
Instagram: https://www.instagram.com/maha_udd/
Blog: https://mahaudd.blogspot.com/
YouTube: https://www.youtube.com/channel/UCe9-Tq8QTPQ4h8IyXp2wbvw
LinkedIn: https://tinyurl.com/2bpdv9sv
Podcasts: https://tinyurl.com/5yrth66x
No comments:
Post a Comment