'लोकसभा सार्वत्रीक निवडणूक २०२४' ची लक्षवेधी पर्यावरणपूरक हरीत मतदान केंद्र

महाराष्ट्र राज्यात 'लोकसभा सार्वत्रीक निवडणूक २०२४' चे मतदान पार पडले. अतिशय कल्पकतेने मतदान जागृती अभियान राबवीत  राज्याने विविध स्थानिक स्वराज्य संस्थांच्या मदतीने लोकशाहीचा उत्सव  साजरा केला.   महाराष्ट्र राज्यात विविध स्थानिक स्वराज्य संस्थांनी राबविलेल्या मतदार जागृती अभियानाबरोबरच  पर्यावरणपूरक हरीत मतदान केंद्रही लक्षवेधी ठरलीत. 

'लोकसभा सार्वत्रीक निवडणूक २०२४'साठी लक्षवेधी असे मतदार जागृती अभियान राबवून  नवी मुंबई महानगरपालिका कौतुकास पात्र ठरली आहे. मतदानाच्या दिवशीही नवी मुंबई महापालिका चर्चेत होती. नवी मुंबई महापालिकेच्या नेरूळ विभाग कार्यालयाद्वारे नेरूळ सेक्टर-१२ येथील तेरणा विद्यालय शाळेत पर्यावरणपूर्वक मतदान केंद्र उभारण्यात आले होते. या केंद्राद्वारे मतदारांना पर्यावरण संवर्धनाचा संदेश देण्यात आला. या केंद्राच्या माध्यमातून झाडे लावा व सिंगल यूज प्लॅस्टिकचा वापर टाळा, अशाही स्वरूपाचा संदेश देण्यात आला होता. या केंद्रात विविध झाडांच्या आकर्षक कुंड्या, फुगे, पाने फुलांचे तोरण, चालण्यासाठी हिरवे कार्पेट ही सजावटीची  रचना केली होती. मतदारांच्या स्वागतासाठी प्रवेशद्वारावर रांगोळी काढली होती. या पर्यावरणपूरक मतदान केंद्राचे सर्व मतदारांनी कौतुक केले.

कोल्हापूर शहरातील टेंबलाईवाडी मनपा शाळा येथील मतदान केंद्रावर नागरिकांचा मतदानाला उत्स्फूर्त प्रतिसाद लाभला.  भारत निवडणूक आयोगाच्या मार्गदर्शक सूचनेुसार टेंबलाईवाडी शाळा येथे पर्यटन स्थळे या थीम वर केंद्र तयार करण्यात आले होते.   कोल्हापूर महानरपालिका क्षेत्रातील न्यू मॉडेल इंग्लिश स्कूल येथे निवडणूक आयोगाच्या सूचनेनुसार पंचगंगा नदी, जाधववाडी मनपा शाळेत कोल्हापुरी खाद्यसंस्कृती, नेहरूनगर मनपा शाळा येथे शहीद ही थीम घेत मतदान केंद्रांची रांगोळी आणि बॅनरने  सजावट करण्यात आली होती . ही सजावट  पाहण्यासाठी नागरिकांनी एकाच गर्दी केली. पर्यायाने कोल्हापूर मनपा क्षेत्रातील मतदानाच्या टक्क्यात वाढ झाली. 

नाशिक महानगरपालिकेच्या १२४ क्रमांकाच्या मतदान केंद्रांने हरीत मतदान केंद्रही लोकप्रिय झाले. नाशिक रोडच्या हॅप्पी होम कॉलनीतील बजरंगवाडी येथे सदर हरीत मतदान  केंद्र उभारण्यात आले होते. 'प्लॅस्टिक हा पृथ्वीचा भक्ष्यक आहे. प्लॅस्टिक टाळा', 'वाहन प्रदूषण टाळण्यासाठी सायकलचा वापर करा', 'झाडे लावा, झाडे जगवा' अशा पर्यावरण रक्षणाचा संदेश देणाऱ्या  फलकांनी मतदान केंद्र सजवले होते. मतदानासाठी येणाऱ्या नागरिकांना छोट्या रोपट्यांचेही वाटप करण्यात आले. 

 https://www.facebook.com/share/v/DwzWa21fySA3dLHU/?mibextid=oFDknk 

'लोकसभा सार्वत्रीक निवडणूक २०२४' मध्ये मतदान जागृती अभियाना बरोबरच अशी  पर्यावरणपूरक हरीत मतदान केंद्र ही लक्षवेधी ठरली.

Facebook:  https://www.facebook.com/MAHAUDD

Twitter: https://twitter.com/MAHA_UDD

Instagram: https://www.instagram.com/maha_udd/

Blog: https://mahaudd.blogspot.com/

YouTube: https://www.youtube.com/channel/UCe9-Tq8QTPQ4h8IyXp2wbvw

LinkedIn: https://tinyurl.com/2bpdv9sv

Podcasts: https://tinyurl.com/5yrth66x