ठाणे महापालिकेने पीडीसी इव्हेंट्सच्या साथीने विवियाना मॉल आणि कोरम मॉल येथे फ्लॅशमॉबद्वारे जागृती केली आणि मतदान करण्याबद्दल आवाहन केले. या मतदानाचा जनजागृती अभियानात तरुणाईचा सहभाग महत्त्वाचा होता. आम्ही मतदान करणार आहोत, आपणही न विसरता हे राष्ट्रीय कर्तव्य पूर्ण करावे, असे आवाहन फ्लॅशमॉबमध्ये सहाभागी झालेल्या युवकांनी नागरिकांना केले. तसेच, फ्लॅशमॉबद्वारे नृत्यातून रसिकांची मनेही जिंकली.
" येत्या २० मे रोजी आपल्याकडे लोकसभा निवडणुकीसाठी मतदान होणार आहे. या मतदानाची टक्केवारी वाढवणे आवश्यक आहे. त्यामुळे आपण मतदानासाठी एकमेकांना प्रोत्साहन देऊया आणि मतदानाची टक्केवारी वाढवूया, असे आवाहन ठाणे महापालिका आयुक्त श्री. सौरभ राव यांनी नमो ग्रँड सेंट्रल पार्क येथे नागरिकांना केले.
महापालिका आयुक्त श्री. सौरभ राव यांनी पर्यटक आणि ठाणेकर यांच्यात सध्या चर्चेत असलेल्या, नमो ग्रँड सेंट्रल पार्कला सकाळी भेट दिली. कोलशेत येथे सुमारे २० एकरच्या सुविधा भूखंडावर ठाणे महापालिकेसाठी हे पार्क कल्पतरू डेव्हलपर्स यांनी विकसित केले आहे. या पार्कची पाहणी आयुक्त राव यांनी केली. त्यावेळी, तेथे उपस्थित असलेल्या नागरिकांशी आयुक्त राव यांनी संवाद साधला. मतदान हे नागरिकांचे कर्तव्य आहे त्यामुळे आपण ते पार पाडले पाहिजे. त्यात हयगय नको, असे यावेळी आयुक्त श्री. राव यांनी सांगितले.
नागरिकांनीही आयुक्तांच्या आवाहनाला सकारात्मक प्रतिसाद दिला. तसेच, आपापल्या गृहनिर्माण संस्थांमध्ये मतदान जागृती विषयी सुरू असलेल्या उपक्रमांची माहितीही नागरिकांनी दिली.
मतदान जनजागृतीसाठी शहरात फलक उभारणीचे नियोजन ठाणे पालिका प्रशासनाने आखले आहे. शहरात पालिकेकडून मतदान जनजागृतीचे फलक झळकत आहेत. या फलकांवर मतदानाचे महत्त्व आणि मतदान करण्याचे आवाहन करणारे संदेश देण्यात येणार आहेत. शहरातील महत्त्वाचे चौक आणि इतर भागांत फलक लावले जाणार आहेत. या फलकांद्वारे नागरिकांना मतदानाचा हक्क बजावण्यासाठी प्रेरित केले जाणार आहे. काही दिवसांपूर्वी महापालिकेने स्वाक्षरी मोहीम राबविली. यासाठी किसननगर शाळा क्रमांक २३ मध्ये 'मी मतदानाचा हक्क बजावणार' असा फलक लावण्यात आला होता.
निवडणुकीत जास्तीत नागरिकांनी सहभागी मतदानाचा अधिकार बजावावा, यासाठी राज्यांतींल विविध शहरात नागरिकांमध्ये जनजागृती आली. ठाणे महापालिकेच्या किसननगर शाळा क्र. २३ मध्ये 'मी मतदानाचा हक्क बजावणार' असा फलक लावण्यात आला होता. त्याद्वारे स्वाक्षरी मोहीम राबविण्यात आली. मा. महापालिका आयुक्त श्री. सौरभ राव यांनीही या फलकावर स्वाक्षरी करून या मोहिमेत सहभाग घेत उपस्थितांना मतदान करण्याचा संदेश दिला.
मनोरंजन क्षेत्राच्या माध्यमातूनही ठाणे महापालिकेने मतदाराला जागृती अभियान राबविण्यास सुरुवात केली आहे. ठाणे महापालिकेच्या दोन्ही नाट्यगृहात मतदानासाठी जनजागृती केली जात आहे. गडकरी रंगायतन आणि घाणेकर नाट्यगृहात प्रत्येक प्रयोगाच्या वेळी मतदानाचा संदेश दिला जात आहे. ठाणे महापालिका आयुक्त श्री. सौरभ राव यांच्या निर्देशानुसार हा उपक्रम राबविला जात आहे. गडकरी रंगायतनची आसन क्षमताएक हजार आहे. तेथे दररोज किमान दोन नाटकांचे प्रयोग होतात. शनिवार-रविवारी हे प्रमाण तीन प्रयोगापर्यंत जाते. तर, घाणेकर नाट्यगृहाची आसनक्षमता ११००प्रेक्षकांची आहे. येथे दररोज किमान एक प्रयोग होतो तर, शनिवार- रविवारी किमान दोन प्रयोग होतात. घाणेकर नाट्यगृहातील मिनी थिएटरमध्येही प्रयोग होतात. प्रत्येक प्रयोगाच्या आधी मतदान करण्याबद्दलचा संदेश दिला जात आहे. या माध्यमातून प्रयोगांना येणाऱ्या हजारो रसिकांपर्यंत मतदान करण्याचा संदेश पोहोचवण्यात येत आहे.
अशाप्रकारे ठाणे महानगरपालिका मतदार आणि मतदान जागृती अभियानास सज्ज झाली असून अत्यंत प्रभावीपणे स्वीप अंतर्गत मतदान जागृती अभियान राबवीत आहे.
Facebook: https://www.facebook.com/MAHAUDD
Twitter: https://twitter.com/MAHA_UDD
Instagram: https://www.instagram.com/maha_udd/
Blog: https://mahaudd.blogspot.com/
YouTube: https://www.youtube.com/channel/UCe9-Tq8QTPQ4h8IyXp2wbvw
LinkedIn: https://tinyurl.com/2bpdv9sv
Podcasts: https://tinyurl.com/5yrth66x
No comments:
Post a Comment